Sa Pagsamba ng Iglesia ni Cristo sa Panginoong Jesus, sumasamba nga ba sa tao ang mga kaanib?

Sa ginagawang pagsamba ng Iglesia ni Cristo sa ating Panginoong JesuCristo, sumasamba nga ba sa tao ang mga kaanib nito? Pag sinasabi po ng mga kaanib na kaya sinasamba dahil utos ng Diyos na sambahin, kaya kami sumasamba kay Cristo, sasabihin nila agad bilang tuligsa sa sagot, kasi hindi naman nila nauunawaan ang sinasabi ng mga talata ay: “BLAME GOD”.
Nakikita po ninyo ang pagiging lapastangan nila sa Diyos sisihin daw ang Diyos kasi iniutos, na bunga lamang ng hindi nila pagkaunawa sa talata?

Ito po ang madalas na sabihin ng mga tumutuligsa sa Iglesia ni Cristo, dahil nga po sa ang Iglesia ni Cristo ay naniniwala at sumasampalataya na ang Panginoong Jesus ay tao sa likas na kalagayan(Juan 8:40) na labag nga daw sa aral na nakasulat sa biblia na sambahin ang tao, at dapat sa Diyos lang sumamba.

Tama naman po yan, kasi iyan po ang isinasaad ng talata sa biblia.

 Sa Lucas 4:8 ay ganito nga po ang  ating mababasa, atin pong tunghayan:

“At si Jesus ay sumagot at sinabi sa kaniya, Nasusulat, Sa Panginoon mong Dios sasamba ka, at siya lamang ang iyong paglilingkuran.”

At sa Apoc.22:8-9 naman po ganito din po ang  ating mababasa:

“At akong si Juan, ako ang nakarinig at nakakita ng mga bagay na ito. At nang aking marinig at makita, ay nagpatirapa ako upang sumamba sa harapan ng anghel na nagpakita sa akin ng mga bagay na ito.  At sinasabi niya sa akin, Ingatan mong huwag gawin iyan: ako'y kapuwa mo alipin at ng iyong mga kapatid na mga propeta, at ng mga tumutupad ng mga salita ng aklat na ito: sumamba ka sa Dios.”

Katulad nga daw po nangyaring ginawa ni Juan na kahit sa anghel ay hindi hinayaang sumamba kasi ang dapat lang daw sambahin ay ang Diyos.

 Kung anghel nga daw ay hindi pwedeng sambahin tao pa? Sa ganitong pangangatuwiran nga po kung mahina ang iyong pananampalataya, masasabi mo sigurong, “oo nga ano” may punto.

Subalit bago po tayo gumawa ng ganyang reaksyon, tama nga ba  na sa pagsamba ng Iglesia ni Cristo kay Cristo, ay sumasamba sa tao ang mga kaanib?

Ang sagot po ay HINDI!

Baka sabihin ninyo, teka, sandal lang! diba naniniwala kayong tao si Cristo, tapos sinasamba ninyo, eh di sumasamba nga kayo sa tao?

Ang sagot nga po ay HINDI! 

Hindi naman po kasi dahil tao si Cristo o ano pa man, o mas lalong hindi dahil Siya ay Diyos, kaya sinamba?

Ang isa po sa utos ng Diyos na sambahin si Cristo ay mababasa sa Hebreo 1:4-6 na ganito ang  ating mababasa, tunghayan po natin…..

“Na naging lalong mabuti kay sa mga anghel, palibhasa'y nagmana ng lalong marilag na pangalan kay sa kanila.  Sapagka't kanino nga sa mga anghel sinabi niya kailan man, Ikaw ay aking Anak, Ikaw ay aking ipinanganak ngayon? at muli, Ako'y magiging kaniyang Ama, At siya'y magiging aking Anak? At muli nang dinadala niya ang panganay sa sangkalupaan ay sinasabi, At sambahin siya ng lahat ng mga anghel ng Dios.”

Hayan po, atin pong mababasa na “nagmana ng lalong marilag na pangalan kesa mga anghel, kaya ipinasamba sa kanila.

Dito po nangangatuwiran ang karamihan na tumutuligsa sa pagsamba ng Iglesia ni Cristo, na hindi naman daw kasama ang tao sa pinasasamba kundi mga anghel lang, bakit sasamba pati tao? 

Tama po kaya sila na kesyo hindi mababasa sa Hebreo 1:6 na pati tao ay pinasasamba, kaya hindi kasali ang tao sa sasamba sa Cristo.

 Kaya  mali daw talaga ang Iglesia ni Cristo, kasi kaya daw ipinasamba si Cristo kasi Diyos. 

Ang tanong po, iyan din po ba ang sinasabi ng talata? Ang sagot, Hindi po, ano po kang gayon ang sinsasabi nila?

 Iyan po ay pangangatuwiran lamang po nila, kasi hindi nga din sinabi ng talata na Diyos si Cristo kaya ipinasasamba.

Ituloy po natin ang ating pagsusuri, kung ganun saan po nakasulat na dapat sambahin si Cristo ng mga tao?

Sa Filipos 2:9-11 ay ganito po ang  ating mababasa, atin pong tunghayan….

“Kaya siya naman ay pinakadakila ng Dios, at siya'y binigyan ng pangalang lalo sa lahat ng pangalan;  Upang sa pangalan ni Jesus ay iluhod ang lahat ng tuhod, ng nangasa langit, at ng nangasa ibabaw ng lupa, at ng nangasa ilalim ng lupa, At upang ipahayag ng lahat ng mga dila na si Jesucristo ay Panginoon, sa ikaluluwalhati ng Dios Ama.”

Sa talata po ating mapapansin ang mga banggit na,”lahat ng tuhod” Sa lahat po ng may tuhod, ang tao po ba walang tuhod? 

Ang sagot po natin syempre po ang tao ay may tuhod, kaya kasama ang tao sa pinasasamba. 

Sa English “all knees shall bow down” na ang kahulugan nga ay pagsamba.

Sa talata din ating nabasa na katulad ng nasa Heb.1:4 nagmana ng marilag na pangalan, dito naman sa Filipos 2:9 ating nabasa na “siya'y binigyan ng pangalang lalo sa lahat ng pangalan”  upang ano daw?

 Sa pangalan na iyan ay ay iluhod ang lahat ng tuhod.

Tanong: Ano ang ibinigay?

 Ang sagot: Pangalan

Tanong: Sino ang nagbigay?

Sagot: Ang Ama!

Bakit natin natitiyak na ang Ama ang nagbigay, samantalang wala naman tayong mababasa na Ama sa talata?

 Simple lang ang ating sagot dyan, alam naman natin na ang biblia ay hindi lang Filipos 2:9 meron pang ibang talata na nakasulat sa biblia. Kung gayon, pano po natin natitiyak na ang Diyos na binabanggit sa talata ay ang Ama? Hindi po tayo magkukuro-kuro, biblia din po ang sasagot sa atin. Sa Juan 17:11 ganito po an gating mababasa, atin pong tunghayan muli…..

“At ngayon, ako’y papunta na sa iyo; iiwanan ko na ang sanlibutang ito, ngunit sila ay nasa sanlibutan pa. Amang banal ingatan mo sila sa pamamagitan ng kapangyarihan ng IYONG PANGALAN, ANG PANGALANG IBINIGAY MO SA AKIN, upang kung paanong ikaw at ako ay iisa, gayundin naman sila’y maging isa.”

Nakita po natin, binanggit ng Panginoong Jesucristo na “Amang Banal” kung gayon ang pangalan na ibinigay sa Cristo ay galing sa Ama.

Ang tagpo pong iyan ay panalangin ni Cristo para itagubilin ang mga kaanib sa Iglesia bago Siya umakyat sa langit. 

Pinaiingatan sa kapangyarihan ng Pangalan, Pangalang ibinigay sa Kanya. Maliwanag na ang pangalang taglay ni Cristo ay bigay ng Diyos. Sa ating mga pagsamba, nanalangin po tayo, ano naman po ang turo ni Cristo pag nanalangin? 

Hindi po ulit tayo manghuhula, biblia po ulit ang sasagot sa atin. Sa Lucas 11:1-2 ganito po ang  ating mababasa, tunghayan po nating muli……

“At nangyari, nang siya'y nananalangin sa isang dako, nang siya'y matapos, ay sinabi sa kaniya ng isa sa kaniyang mga alagad, Panginoon, turuan mo kaming manalangin, na gaya naman ni Juan na nagturo sa kaniyang mga alagad.  At sinabi niya sa kanila, Pagka kayo'y nagsisipanalangin, inyong sabihin, Ama, Sambahin nawa ang Pangalan mo. Dumating nawa ang kaharian mo”

Alin po ang ipinasasamba? “ANG PANGALAN ng Diyos.

 Ano ang Pangalang ibinigay ng Diyos sa Anak? Muli po sa biblia po ulit tayo babasa, sa Gawa 4:10-12, ganito naman po an gating mababasa:

“Talastasin ninyong lahat, at ng buong bayan ng Israel, na sa pangalan ni Jesucristo ng taga Nazaret, na inyong ipinako sa krus, na binuhay ng Dios na maguli sa mga patay, dahil sa kaniya ay nakatindig ang taong ito sa inyong harap na walang sakit. Siya ang bato na itinakuwil ninyong mga nagtayo ng bahay, na naging pangulo sa panulok. At sa kanino mang iba ay walang kaligtasan: sapagka't walang ibang pangalan sa silong ng langit, na ibinigay sa mga tao, na sukat nating ikaligtas”

Hayan, maliwanag na po kung bakit sa panalangin ng Panginoong Jesus ay pinaiingatan sa kapangyarihan ng Pangalan, pangalang bigay ng Ama, kasi iyan pala ang ikaliligtas ng mga inihabilin Niya.

 Iyan din ang Pangalang taglay Niya na galing sa Ama.

 Balikan natin ang sinasabi ng Filipos 2:9-11, Mababasa natin na sinasabi ng talata na: “At upang ipahayag ng lahat ng mga dila na si Jesucristo ay Panginoon, sa ikaluluwalhati ng Dios Ama.”

Taglay ni Cristo ang Pangalang galing sa Ama, kaya po naluluwalahati ang Ama dahil ang totoong sinamba ay ang Pangalan bigay, katulad ng turo ni Cristo sa Lucas 11:2

 “………Sambahin nawa ang Pangalan mo” Hindi po tao ang sinasamba kundi ang Pangalan ng Diyos na taglay ni Cristo.

 Ang tunay po na pagsamba ay lubusang pagpapasakop sa kalooban ng Diyos. Hindi po natin. Ito po ang itinuro ni Cristo mismo sa Juan 4:24, basahin pong muli natin….

“Ang Dios ay Espiritu: at ang mga sa kaniya'y nagsisisamba ay kinakailangang magsisamba sa espiritu at sa katotohanan.”

Ano po ang katotohanan ayon sa biblia? Basa: Juan 17:17…….

“Pakabanalin mo sila sa katotohanan: ang salita mo'y katotohanan”

Alin ang katotohanan?  Ang salita ng Diyos! 

Ang pagsamba ba kay Cristo utos ng Diyos?   Opo! 

Sa pagsunod ba sa kalooban ng Diyos, napapapurihan ang Diyos?   Opo! 

Tao ba ang sinamba?   Hindi po!

Ang Ilang Kontradiksyon ng Mangangaral ng ADD

                                                           Ang tumakas  

                
Ang dati niyang itinuro ang Panginoong Jesucristo ay iniwan ng lahat ng mga dumadakip sa Kaniya at tumakas.

Nagtanong: Itatanong ko lang po ‘yung sa,… ‘yung sa panahon na ipinagkanulo ni Judas si Cristo. Kasi po doon sa Marcos na 50, 51, 52. ‘Yung dinakip na po Siya di ba po? Ang nakalagay dun e at iniwan Siya ng lahat at nagsitakas. Sino po ‘yung sa tingin n’yo ay nagsitakas? ‘Yung mga apostol po ba?
Eli Soriano: [Binasa ang Mar. 14:48-50.] Ayun. Ang umiwan po sa kaniya ay ang mga dumadakip sa kaniya.
Nagtanong: Kaya iniwan… Di ba po dinakip Siya? Bakit po Siya iniwan?
Eli Soriano: Hindi. Iniwan.. Hindi ho Siya dinakip nung oras na iyon.
Nagtanong: Ah.
Eli Soriano: Iniwan Siya ng lahat ng dumadakip sa Kaniya at tumakas. Hindi po kasi pupuwede na ang nag-iwan sa Kaniya, mga apostol, e.

Sa ibang pagkakataon naman ay itinuro niyang magkakasama na raw tumakas ang mga humuhuli at ang mga alagad noong dakpin ang Panginoong Jesucristo.

Sammy: [Sammy Lamberte- Nagtatanong]- Doon po sa Lucas 14:50, may nabasa po ako doon, tumakas … may tumakas. Sino po ba ‘yung tinutukoy doon na tumakas? ‘Yung mga humuli sa Kanya o ‘yung mga alagad po?
Soriano: ‘Yung mga … magkakasama na ‘yun eh. Kasi, mayro’n din namang mga humuhuli sa Kanya na ano eh … na umalis na ro’n kagaya nu’ng pinagaling N’ya na si ano …
Willy: Malco.

Eli Soriano: ‘Kaya du’n sa sinasabi n’yong tumakas, may tumakas na mga alagad, may tumakas na humuhuli, gano’n ‘yon.

                                               Si Satanas gawa ng Dios

                                Dati niyang itinuturo na si satanas ay gawa ng Diyos.

Eli Soriano: Ah gano’n pala ‘ka ko pagkakilala ng Iglesia ni Cristo, na nu’n bago pa lang lalangin ng Diyos ang tao alam Niya na na ang tao, lalabag. Eh lalabas non-sense naman ‘yung Diyos mo. Bah alam Niya na palang lalabag eh, ba’t ginawa pa Niya ‘yung demonio.

Subalit sa ibang pagkakataon ay pinuna niya ang mga nag-aakala na gawa ng Diyos ang demonyo.

Eli Soriano: Hindi, akala nu’ng ibang nagbabasa ng Biblia, ang Diyos daw ang gumawa ng demonyo, Diyos daw ang gumawa ng mga impakto, kalokohan ‘yon, hindi totoo ‘yon.

Eli Soriano: Noong time na ginagawa ng Diyos ‘yung… ‘yung satan, ano? ‘Yung tinatawag na satan, e ano ‘yon, hindi inaasahan although alam ng Diyos na puwedeng gumawa ‘yun ng mabuti, puwedeng gumawa ‘yun ng masama. Pero ang pag-asa ng Diyos, gagawa ‘yun ng mabuti siyempre.
Eli Soriano: Ha? Ba’t ginawa pa si satanas, manunukso lang pala? Ha? Ba’t ginawa pa si satanas, manunukso lang pala? Ha? Ba’t ginawa pa si satanas, manunukso lang pala?

Subalit noong Mayo 7, 2002, binago niya at hindi raw niya itinuro na si satanas ay ginawa ng Diyos.

Eli Soriano: Napakasinunga-ling talaga nito magkakabar-kadang ‘to. Wala naman akong sinabing si satanas ay ginawa ng Diyos e. Ang sinasabi ko nu’ng ginagawa ng Diyos ‘yung naging satanas na ‘yon ano, hindi pa naman … Bakit? Nu’ng gawin ba nang … gawin ba’ yon, satanas agad ‘yon ha?
Eli Soriano: Napakasinunga-ling talaga nito magkakabar-kadang ‘to. Wala naman akong sinabing si satanas ay ginawa ng Diyos e. Ang sinasabi ko nu’ng ginagawa ng Diyos ‘yung naging satanas na ‘yon ano, hindi pa naman … Bakit? Nu’ng gawin ba nang … gawin ba’ yon, satanas agad ‘yon ha

                                              

                                                   Tinapay sa Sta. Cena

May pagkakataon na itinuro niyang ang tinapay sa Sta. Cena ay aral.

Eli Soriano: Kaya ho, tanong n’yo mayro’n ba kaming Sta. Cena? Mayroon. Naghahati-hati ho kami ng tinapay. Pagka ho araw ng Linggo. May kapirasong tinapay para sa akin, para sa kaniya, para sa binata, para sa dalaga, para sa may-asawa, para sa ministro. ‘Yun ho kasing tinapay aral ‘yun. Simboliko ng aral ‘yun. Saka ‘yung inumin, aral ho ‘yun. Kaya dito tuwing Linggo, tuwing prayer meeting, may hati-hati kaming tinapay.

May pagkakataon namang ang tinapay daw sa Sta. Cena ay ang Iglesia.

Eli Soriano: For we being many are one bread. We, ‘yungchurch, being many are one bread. Eh, di ‘yon palang bread eh ‘yung church.
Navales: Opo.
Eli Soriano: O tagalugin mo nga ‘yon
Willy: Bagaman tayo’y marami ay iisa lamang tinapay.
Eli Soriano: O, kita mo! Bagaman marami tayo, tayo iisang tinapay. E, sinong tinapay?
Willy: ‘Yung Iglesia…
Eli Soriano: ‘Yung Iglesia.

                                                                 

                                                          

                                                     Pagkakasal

Hindi raw siya nagkakasal pagkat walang mababasa sa Biblia na ang mga apostol ay nagkasal.

Eli Soriano: Ngayon ganito, walang… gaya ng sinabi ko, uulitin ko ho. Wala hong nababasa sa Biblia, mga apostol nagkasal. Ho? At ito hamon ko ito, sa lahat ng mga ministrong nagkakasal. Kung kayo nagkakasal, ano batayan n’yo? Bakit… nagkakasal kayo, wala namang ‘tinuro mga apostol na magkasal kayo? Ayan! Ewan ko kung maiisip nila ibig kong sabihin. Ibabalik sa ‘kin ‘yan. E bakit ikaw Soriano hindi ka ba nagkakasal? Hindi!

Ngunit noong Septiyembre 22, inamin niya na nagkasal siya.

Eli Soriano: E kung mahal mo ‘ka ko, magagawa mong pakisamahang lahat. Mag-isip ka rin, manalangin ka ngayong gabi. O, tapos sabihin mo sa ‘kin bukas kung ano ang pakiramdam mo na pasya ng Diyos. O ‘yon, di okey naman. Kaya, ikinasal ko sila.

                                   Nagbibintang lang ba ang INC?

Eli Soriano: Ako, para palitawin nilang kinokontra ko’ng sarili ko, kina-cut nila. At pinagbibintangan pa ako ngayon na ako raw eh tatakbo sa eleksyon he-he-he. Bakit kaya sila takot ano?

Luz: Kinakabahan na po sila, baka … ha-ha-ha.

Josel: Kabado kayo ano? Ha-ha-ha. Kaya itong mga ito, ganito kung magparatang eh kapatid na Luz.

Enero 10, 2004, inamin niya na nag-file siya ng kaniyang kandidatura.

Eli Soriano: Ngayon, eh komo naka-file na ‘yon, ok lang. Anyway it cannot do any harm to me. Bakit? Bakit? Ako ba eh, meron bang magagawang masama sa ‘kin ‘yung pagpa-file noon? May nagawa ‘yon, naligalig ang mga kandidato. Nagtatawagan sa akin. (Sigawan) May tumawag, sabi, umatras ka na lang Bro. Eli, makakagulo ka rin, sabi n’ya. Oh meron namang tumawag na presidentiable, gusto akong makausap nang one on one. Dalawa na po ang tumawag na presidentiable na gusto akong makausap na one on one n’ung makitang nag-file ako ng certificate of candidacy.

 Dati ay naninindigan siya na mahalay sa Diyos at mali na magningas ang pita ng lalake sa kapuwa lalake.

Eli Soriano: Pagka ‘yun palang itinakda ng Diyos pinalitan mo, ang sama eh. Gaya rito, tuloy natin sa beinte siete.

                                                               Kapuwa lalake

Luz: At gayon din naman ang mga lalake na nang iwan na ang katutubong kagamitan sa mga babae, ay nangagningas sa kanilang karumihan ng pita ang isa’t-isa na gumagawa ng kahalayan ang mga lalake sa mga kapwa lalake.

Eli Soriano: Kita n’yo? Mahalay sa Diyos pala ‘yun eh, na ‘yung katutubo palitan mo. Gaya rin naman ‘ika n’ung mga lalake, pinalitan din nila ‘yung katutubo. Na nang iwan na nila ang katutubong kagamitan sa mga babae, nagningas sila ng pita sa isa’t-isa, upang ang lalake ay aaaaa gumawa ng kahalayan sa kanyang kapwa lalake, aaat tuloy.

Luz: At tumanggap sa kanilang sarili ng kagantihan ng kanilang pagkakamali.

Eli Soriano: Kita n’yo? Mali sa Diyos ‘yung papalitan mo’yung katutubo eh. Kaya ngayon nagugulat ako sa maraing tao.

Subalit sa ibang pagkakataon ay hindi raw kasalanan ‘yon bagkus ‘yon daw ay natural lamang.

Danny: ‘Yun pong makaramdam ako ng attraction halimbawa sa kapareho, kasalanan na po ba ‘yon o natural pa rin?

Eli Soriano: Ha?

Danny: Dahil halimbawa, kung ako’y bading halimbawa, ang attraction ko eh sa kapareho ko, hindi kasalanan ‘yon.

Eli Soriano: Hindi. Natural ‘yun eh. It glows naturally out of your person.

Danny: Sabayan mo ng panawagan ‘yon sa ating mga ka-barangay.

Josel: Hi-hi-hi.

Eli Soriano: Anong pana-wagan?

Danny: Hoy lahat ng mga tita, dito kayo hi-hi-hi.

                                                                   

                                       May hindi alam ang Dios

 Itinuro niya dati na ang Diyos ay mayroong hindi alam.

Eli Soriano: Sabi ko, merong hindi alam ang Diyos. Galit sila lahat sa akin, lahat ng iglesia, galit sila. Napakayabang ko raw at sabihin kong may hindi alam ang Diyos. Ba’t naman? Lahat ba ng bagay alam ng Diyos? Meron Siyang hindi alam.

Nang siya ay punahin ay binago niya at kinontra ang dati niyang turo. Ang turo daw nila ay mayroong hindi pinakikialaman ang Diyos sa buhay ng tao.

Nagtanong: Mayroon daw kayong turo na ang Diyos daw ay mayroon hindi alam?
Eli Soriano: Hindi ganoon ang aming turo, mayroong hindi pinakiaalaman ang Diyos sa tao.
Nagtanong: Ano po ‘yon?
Eli Soriano: Ang Diyos ang nagbibigay sa tao ng karapatang magpasiya para sa Kaniyang sarili. Ang sabi sa 20:9 o sa 30:19 ng Deuteronomio. E naririto ‘ika, inilalagay ko sa harap mo ang buhay at ang kamatayan, ang pagpapala at ang sumpa. Piliin mo ang buhay.

                                                                            

                                                 Hindi itiniwalag

Sa ibang pagkakataon ng pagtuturo niya ay sinasabi niya na hindi raw siya itiniwalag sa dating niyang relihiyon.

Eli Soriano: Kaya ako hindi ako masabihan n’ung mga pinanggalingan ko eh. Galing din ako sa ibang relihiyon, ha? Nu’ng ako’y hindi pa nakakakilala ng aral ng Diyos, susunud-sunod din ako. Pero nu’ng makilala kong mali ‘yung sinasamahan ko, lumayas ako ro’n. Oh ngayon, nu’ng lumayas ako, sabi nila, itiniwalag lang naman ‘ika namin ‘yon. Kelan n’yo ‘ko ‘tiniwalag? Pebrero a- 16? Enero pa wala na ‘ko sa inyo eh. Kaya n’yo lang ako’tiniwalag, eh dahil wala na ‘ko sa inyo. Hindi ako’tiniwalag, tumiwalag ako, sapagkat batas ng Diyos pagka mali,iwan mo.

Subalit sa ibang pagkakataon naman ay sinabi niya na pinagkaisahan daw silang itiwalag ng mga tagalog.

Eli Soriano: Nu’ng araw kasi ‘yung mga kapampangan, para bang hindi mahal nu’ng mga kapatid sa tagalog. Hindi ako nagtataka sa nangyari nang mamatay si kapatid na Perez, kami ay pinagkai-kaisahang itiwalag nu’ng mga tagalog.

                                            

                                         Pagbabawal sa pag-aasawa

Mayo 27, 2001, Pinuna niya ang ginawa ng Iglesia Katolika na pagbabawal sa pari na mag-asawa sapagkat wala raw sa Biblia ang aral na bawal mag-asawa. kanilang samahan na mag-asawa.

Eli Soriano: Problema ho ng Diyos ‘yon dahil hindi naman Niya binawalan ang pari na mag-asawa o ang sinuman. Kaya kung halimbawa eh me pamilya ‘ko eh mahirap o di magtiyaga, ano? Hindi puwedeng dahil do’n sa mahirap mag-uutos na tayo ng hindi naman utos ng Biblia, bawal po ng Diyos ‘yon. Sabi ng Diyos ‘yung utos Niya huwag mong daragdagan huwag mong babawasan. Wala ho sa Bibliang bawal mag-asawa. Kaya pagdaragdag ‘yon pagka-iniutos natin ‘yon, lalabag po tayo sa batas no’n.

Subalit inamin naman niya sa ibang pagkakataon na nagbawal siya sa mga binata at dalaga sa

Eli Soriano: May kaniya-kaniyang lakad. Ha? Tinatraydor ka pa! Pinipilit mo silang, sabi ko, huwag na kayong mag-asawa. Mga binata, mga dalaga, huwag na kayong mag-asawa. Tulungan n’yo na lang ako, sandali na lang naman ang ipagtitiis n’yo. ‘Yan namang pag-aasawa, masarap lang ‘yan isa, dalawa, tatlo, apat na buwan, anim.

Galatians 1:11-12 Katunayan na Dios si Cristo?

Ating sagutin ang talatang ginagamit ng iba para patunayan na Dios si Cristo ito ay ang nakasulat sa  Galacia 1:11-12 na may ganitong sinasabi ating sipiin…..

“Sapagka't aking ipinatatalastas sa inyo, mga kapatid, tungkol sa evangelio na aking ipinangaral, na ito'y hindi ayon sa tao. Sapagka't hindi ko tinanggap ito sa tao, ni itinuro man sa akin, kundi aking tinanggap sa pamamagitan ng pahayag ni Jesucristo. “

Ang sagot dito ay simple lang po! Tandaan ang mga pananalitang: “ aking ipinatatalastas” aking ipinangaral” “hindi ayon sa tao” hindi ko tinanggap sa tao” “pahayag ni Jesucristo”

Gusto kasi nila palabasin sa kanilang panloloko sa tao na hindi tao si Cristo kasi ang sinabi sa talata "hindi sa tao tinanggap kundi sa Dios" kasi sa biglang tingin nga naman ebanghelyo ni Cristo ang natanggap ni Pablo, pero sa malalimang pagsusuri na siguradong hindi nila ginawa kaya nailigaw sila, kanino ba galing ang katotohanang ipinangangaral ni Cristo? Ang sagot alam nating lahat na ito ay mula sa Dios!

Sa Juan 17:14 ganito ang sinabi ni Cristo sa Kanyang panalangin sa Dios ating sipiin:

“ Ibinigay ko sa kanila ang iyong salita: at kinapootan sila ng sanglibutan, sapagka't hindi sila taga sanglibutan, gaya ko naman na hindi taga sanglibutan. “

Ibinigay daw ang “SALITA NG DIOS” kanino? Sa “ KANILA” sinong “KANILA”? ang kanilang tinutukoy ay ang mga sinugo ni Cristo para mangaral ng ebanghelyo.

Sa Juan 8:40 ganito ang pag  amin ni Cristo na ang Dios ang kinaringgan Niya  ng  mga katotohanan!

"  Datapuwa't ngayo'y pinagsisikapan ninyo akong patayin, na taong sa inyo'y nagsaysay ng katotohanan, na aking narinig sa Dios.......".

Ano ang katotohanan? Ang salita ng Dios!(Juan 17:17)

“Pakabanalin mo sila sa katotohanan: ang salita mo'y katotohanan.”

Ano ang isa sa katotohanang ito? Sa Juan 17:3 ating mababasa ang ganitong pahayag:

"   At ito ang buhay na walang hanggan, na ikaw ay makilala nila na iisang Dios na tunay, at siyang iyong sinugo, sa makatuwid baga'y si Jesucristo."

Sinugo si Cristo kaya sa panalangin Niya ganito ang mababasa:

“  Ibinigay ko sa kanila ang iyong salita: at kinapootan sila ng sanglibutan, sapagka't hindi sila taga sanglibutan, gaya ko naman na hindi taga sanglibutan. Hindi ko idinadalangin na alisin mo sila sa sanglibutan, kundi ingatan mo sila mula sa masama.   Hindi sila taga sanglibutan, na gaya ko naman na hindi taga sanglibutan.   Pakabanalin mo sila sa katotohanan: ang salita mo'y katotohanan. Kung paanong ako'y iyong sinugo sa sanglibutan, sila'y gayon ding sinusugo ko sa sanglibutan."(Juan 17:14-18)

Alin daw yung ibinigay ni Cristo sa mga apostol? Ang salita ng Dios, ano yung salita ng Dios? iyan ang ebanghelyo ni Cristo na iniutos na ipangaral!

“ At sinabi niya sa kanila, Magsiyaon kayo sa buong sanglibutan, at inyong ipangaral ang evangelio sa lahat ng kinapal.  Ang sumasampalataya at mabautismuhan ay maliligtas; datapuwa't ang hindi sumasampalataya ay parurusahan.” (Marcos 16:15-16)

Kaya po kahit na si Cristo ay tao, sinabi parin ni Pablo na sa Dios Niya tinanggap ang ebanghelyo sa “pahayag ni Jesucristo” sa sintido kumon na ang salita ng Dios ay ibinigay kay Cristo at ibinigay naman ni Cristo sa mga sinugo Niya. Kaya nga po ang tunay na mangangaral na sa Dios ay SINUGO!

“At paano silang magsisipangaral, kung hindi sila nga sinugo? gaya nga ng nasusulat, Anong pagkaganda ng mga paa niyaong mga nagdadala ng masasayang balita ng mga bagay na mabuti!”

Kaya wala po sa tagasanlibutan ang pagkaunawa sa mga salitang mababasa sa biblia dahil hindi sila mga sinugo. Ngayon alam na ninyo kung bakit alam namin  ang kahulugan ng Galacia 1:11-12? May Sugo kami sa Iglesia ni Cristo!

Gawa 2:21, Roma 10:13 Sapat naba ang tumawag sa Pangalan ng Panginoon ay maliligtas?

“ At mangyayari na ang sinomang tumawag sa pangalan ng Panginoon, ay maliligtas.” (Gawa 2:21)

Ang talatang ito ay malimit gamitin ng mga kaibayo para suportahan ang kanilang aral na sinumang tumawag sa Panginoon, ay maliligtas. Ang talata po ay tama, wala po kaming tutol dyan, san po kami tumututol? Sa maling unawa po ng mga gumagamit nito. Pinakakadiinan nila ang banggit na “sinuman” na hindi inunawa kung para kanino patungkol ang talata.  Ginagamit nila ang talata para patunayan na sapat na daw ang sumampalataya sa Pangalan ng Panginoon,at ligtas kana. Hindi nila alam na ang kanilang paniniwalang iyan ay komokontra o sumasalungat sa sinabi mismo ng Panginoon sa Mateo 7:21 na ganito ang  ating mababasa:

“Hindi ang bawa't nagsasabi sa akin, Panginoon, Panginoon, ay papasok sa kaharian ng langit; kundi ang gumaganap ng kalooban ng aking Ama na nasa langit.”

Ang kanilang maling unawa sa Gawa 2:21 na sapat na ang tumawag sa Pangalan ng Panginoon ay maliligtas na, ay sumasalungat sa sinabi mismong ito ng  ating Panginoong Jesus. Kaya po sino ang  ating paniniwalaan? Syempre po ang Tagapagligtas, ang Panginoong Jesus.

Ayon pa nga sa pahayag ng apostol na si Juan para mapakinggan ka ng Panginoon  kailangan tinutupad ng tao ang mga utos ng Dios, ganito po ang  ating mababasa sa I Juan 3:22, ating tunghayan:

“At anomang ating hingin ay tinatanggap natin sa kaniya, sapagka't tinutupad natin ang kaniyang mga utos at ginagawa natin ang mga bagay na kalugodlugod sa kaniyang paningin.”

Ano daw po? Siyang tumutupad sa mga  utos Niya ay siguradong pakikinggan at hindi lang sa basta pagtawag sa Pangalan ng Panginoon.  Ang isa po sa  utos ng Dios sa mga tao, ay ang tao dapat ,  makinig sa Kanyang Anak. Ito po ay mababasa natin sa Mateo 17:5 din, atin pong tunghayang muli:

“Samantalang nagsasalita pa siya, narito, ang isang maningning na alapaap ay lumilim sa kanila: at narito, ang isang tinig na mula sa alapaap, na nagsasabi, Ito ang sinisinta kong Anak, na siya kong kinalulugdan; siya ang inyong pakinggan.”

Ang tao ay kailangang ding makinig sa  utos ni Jesus, sa Kanyang pa-anyaya na may kauganayan sa kaligtasan, at ito ay ang pagpasok sa Kanya.(Juan 10:9). Pero ang isang tao ay hindi basta-basta makapapasok sa katawan ni Cristo sa pamamagitan lang ng pananampalataya lamang o kaya naman basta manalangin lamang sa Pangalan ng Panginoon. Nilinaw Niya ito,kaya nga ayon sa Kanya:

“Muli ngang sinabi sa kanila ni Jesus, Katotohanan, katotohanang sinasabi ko sa inyo, Ako ang pintuan ng mga tupa.”

Inulit Niya ang paanyaya Niya sa Juan 10:7 na ating mababasa sa itaas.

Ang mga tao ay kailangang pumasok sa pintuan na si Cristo, para ang tao ay mapabilang sa kawan(Juan 10:16) o Iglesia ni Cristo (Gawa 20:28 Lamsa) Ang Iglesia ni Cristo nga po ay kailangan sa kaligtasan.

Ang isa pa pong ginagamit na talata ng mga nagtataguyod ng aral na “sinumang tumawag sa Pangalan ng Panginoon” ay maliligtas ay ang nasa Roma 10:13 na may ganitong mababasa:

“Sapagka't, Ang lahat na nagsisitawag sa pangalan ng Panginoon ay mangaliligtas.”

Ang talatang ito ay ginagamit nila upang ipakita na hindi na kailangan ang Iglesia para maligtas.  Pero, subalit at datapuwat, sino po ang tinutukoy  sa talata na mga taong “tumawag lamang sa Pangalan ng Panginoon”? Sa Roma din, sa kapitulo 10 pa din at ang talata ay 14 at 15, ganito po ang  ating matutunghayan:

“Paano nga silang magsisitawag doon sa hindi nila sinampalatayanan? at paano silang magsisisampalataya sa kaniya na hindi nila napakinggan? at paano silang mangakikinig na walang tagapangaral? At paano silang magsisipangaral, kung hindi sila nga sinugo? gaya nga ng nasusulat, Anong pagkaganda ng mga paa niyaong mga nagdadala ng masasayang balita ng mga bagay na mabuti!”

Ang mga taong tumatawag sa Pangalan ng Panginoon na tinutukoy ay yaong mga sumampalataya sa ebanghelyo na ipinangaral ng tunay na sugo ng Dios. Ang mga taong ito ay ang mga kaanib sa Iglesia Ni Cristo.

Kaya hindi basta pagtawag lang sa Pangalan ng Panginoon ay maliligtas na, kailangan may personal na kaugnayan ito sa Kanya. Kailangan ikaw ay nasa tunay na Iglesia Ni Cristo at hindi sa kung saan-saan lang na Iglesia na nag-aangkin ding Kristyano.

ANG DAPAT TANDAAN NG MAG-ASAWA

Ang kinahahantungan ng maraming mag-asawa: PaghihiwalayPayag ba ang Diyos sa paghihiwalay? May mga relihiyon na pinapayagan ang paghihiwalay ng mga mag-asawa. Ang tanong: 

Pwede ba makipaghiwalay o Hindi?

 Sinisipi nila ang Mateo 19:9 para i-justify ang paghihiwalay

 sa Mateo 19:9 sinasabi ang ganito:

"At sinasabi ko sa inyo, Sinomang ihiwalay ang kaniyang asawang babae, liban na kung sa pakikiapid," .

Pero dapat maisip nila na may karugtong pa yan na ganito:

"....... , at magasawa sa iba, ay nagkakasala ng pangangalunya: at ang magasawa sa babaing yaon na hiniwalayan ay nagkakasala ng pangangalunya."

Hindi Lang yan dapat din tandaan ang sinabi ni Cristo sa sinundang talata ng 9, ang nasa 7 at 8 ganito ang ating mababasa:

" Sinabi nila sa kaniya, Bakit nga ipinagutos ni Moises na magbigay ng kasulatan sa paghihiwalay, at ihiwalay ang babae?

Sinabi niya sa kanila, Dahil sa katigasan ng inyong puso ay ipinaubaya sa inyo ni Moises na inyong hiwalayan ang inyong mga asawa: datapuwa't buhat sa pasimula ay hindi gayon."

Ano ba yang sa pasimula ay Hindi GAYON?

Sa 4 hanggang 6 basahin natin:

" At siya'y sumagot at sinabi, Hindi baga ninyo nabasa, na ang lumalang sa kanila buhat sa pasimula, ay sila'y nilalang niya na lalake at babae, At sinabi, Dahil dito'y iiwan ng lalake ang kaniyang ama at ina, at makikisama sa kaniyang asawa; at ang dalawa ay magiging isang laman? Kaya nga hindi na sila dalawa, kundi isang laman. Ang pinapagsama nga ng Dios, ay huwag papaghiwalayin ng tao."

Hayan Hindi pwede paghiwalayin ng tao ang pinagsama ng Dios. Kaya ipinaubaya ni Moises na humiwalay ang asawa dahil sa katigasan ng ulo! Pero ano ang Sabi ni Cristo?

"........ datapuwa't buhat sa pasimula ay hindi gayon." (Mateo19:8 AB)

Kaya nga ano pa ang tagubilin no Apostol Pablo?

" Ito naman ang iniuutos sa mga may asawa, hindi mula sa akin kundi mula sa Panginoon: huwag makipaghiwalay ang babae sa kanyang asawa. Ngunit kung siya’y hihiwalay, manatili siyang walang asawa, o kaya’y muling makipagkasundo sa kanyang asawa. At huwag rin namang palalayasin at hihiwalayan ng lalaki ang kanyang asawa.( 1Corinto 7: 10-11)

Bakit wag hihiwalay?

"Ang pinapagsama nga ng Dios, ay huwag papaghiwalayin ng tao. At sa bahay ay muling tinanong siya ng mga alagad tungkol sa bagay na ito. At sinabi niya sa kanila, Ang sinomang lalake na ihiwalay ang kaniyang asawa, at magasawa sa iba, ay nagkakasala ng pangangalunya laban sa unang asawa: At kung ihiwalay ng babae ang kaniyang asawa, at magasawa sa iba, ay nagkakasala siya ng pangangalunya." (Marcos 10:9-12 AB)

Maliwanag na sinusunod ng  ibang sekta Si Moises kesa sa batas ng Dios na " wag pa- paghiwalayin ng tao" ang pinagsama ng Dios. Kami sa Iglesia ni Cristo, sumusunod kami sa utos na Ito. Habang buhay ang asawa, Hindi pwedeng humiwalay at mag asawang muli sa iba.

Tandaan ng bawat mag-asawa, para maiwasan ang mga sigalot:

1. LAGING TANDAAN NA KAYO AY REGALO NG DIOS PARA SA ISA’T ISA(Kawikaan 19:14)

Remembering that your spouse is a gift from God is a healthy thing to do. It will somehow help you avoid thinking that your spouse is just a chance; worst, a mistake. Totoo naman talaga na ang asawa ay regalo ng Dios. Ang asawa ay hindi lang napulot kung saan. Ang asawa ay hindi galing sa impakto. Lalong hindi siya hulog ng impiyerno. Ang asawa ay regalo ng Dios. Laging tandaan na ang mga regalo ng Dios ay mabuti. Ang asawa mo ay isa sa mga mabubuting regalo ng Dios sa iyo.

2. IPAKITA AT IPADAMA ANG PAG-IBIG SA PARAAN GUSTO NIYA.

May mga mag-asawang nagsabing: “Hindi ko ,maramdamang mahal ako ng aking asawa.”

Ang dahilan- hindi siya minamahal sa paraang gusto niya. Baka naman kasi hindi sinasabi sa asawa kung paano niya gustong mahalin. Hindi masama at lalong hindi nakakahiya na sabihin sa iyong asawa kung paano mo ibig mahalin. Malaking tulong din kung tatanungin mo ang iyong asawa kung paano niya gustong mahalin. Lalo kang mamahalin ng asawa mo kung mamahalin mo siya sa paraang gusto niya.

3. SA ARI-ARIAN AT PERA HUWAG MAG KANYA-KANYA

Sa mag-asawa, ang ari-arian ng isa ay ari-arian ng dalawa. Walang “akin, akin.” Walang “sa’yo, sa’yo”. Lahat “atin ito.” Ang perang kinita ng isa ay pera ng mag-asawa.

If in marriage the man and the woman were one flesh, then what is owned by one is owned by the other. Kaya huwag nang magtaguan pa. Ilabas na ang perang pinaakaka-ipit- ipit sa pitaka.

4. SHOWER EACH OTHER WITH LOVE.

Diligin ninyo ng pag-ibig ang isa’t-isa para sumagana ang pagsasama. Ang maayos at matatag na pagsasama ng mag-asawa ay hindi nagaganap nang basta basta ito ay parang halaman na inaalagaan at dindiligan. Pag-ibig ang ipandilig, hindi masamang hinala, paninira, o pangungutya.

5. SHOW CONCERN ON THE INTERESTS OF YOUR SPOUSE.

Huwag lang himukin ang asawa na magpakita ng concern sa kung anung interests mayroon ka. Magkusa ka rin naman magpakita ng concern sa interests ng iyong asawa. Suportahan mo siya. Alamin ang paboritong sports ng iyong asawa at makipaglaro kung kaya mo rin lang. Makipag-usap sa asawa tungkol sa mga paksang gusto niya. Samahan ang asawa kung gusto niyang isama sa panood ng mga pelikulang gusto niya. Malaking tulong sa masayang pagsasama ang maging concern sa interests ng isat-isa

6. BE GENTLE AND TACTFUL IN CORRECTING AN ERROR COMMITTED BY YOUR SPOUSE

Walang asawang perfect. Lahat nagkakamali. If you need to correct an error committed by your spouse, be specific. Attack an error committed by your spouse not his “being”. Approach your spouse gently and tactfully. Kung hindi ka magiging maingat at matalino sa pagtutuwid sa pagkakamali ng iyong asawa, ang pagtutuwid mo ay magiging sanhi pa ng lalong ikagugulo ng inyong pagsasama. Dapat lang na ituwid ang pag kakamali o kasalanan ng asawa. But make sure to do it intelligently, tactfully, and cautiously. Remember: In making corrections, don’t forget to offer solutions.

 7. MAGING CREATIVE SA PAGPAPAKITA AT PAGPAPADAMA NG PAG-IBIG

Ang pagiging creative sa pagpapadama ng pag-ibig ay napakalaking tulong sa pagpapanatili ng init ng pagsasama ng mag-asawa. Kung nag-iisip para maging creative, may thrill, may excitement! Therefore hindi boring. Nakasasawa kung paulit-ulit lang. paminsan-minsan dapat mayrong konting pagbabago sa pagpapahayag at pagpappadam ng pag-ibig.

Halimbawa: Kung lagi mo lang sinasabi sa asawa mo “ I love you, “ ngayon isulat mo sa magandang papel at ilagay mo sa magandang frame. O di ba creative?Kung laging papel at ballpen ang ginagamit mo to say “ I love you” to your spouse, ngayon kung kaya mong magrent ng jet plane ipasulat mo sa ulap sa pamamagitan ng usok ang “ Ilove you” addressed to your spouse. From paper and pen. To sky and usok. Wow! Di ba creative? Maging creative, OK!

8. MAGING ATTRACTIVE SA IYONG ASAWA.

Maraming asawa ang nahulog sa kandugan ng iba kasi hindi na attractive para sa kanya ang kanyang asawa. Huwag kayong magpabaya sa inyong itsura. Mag-exercise at iwasana ang walang pakundangang pagkain nang sobra para di masira ang inyong pigura. At sikapin na rin na maging mabango para sa asawa. Tanungin din ang asawa kung anong amoy at itsura ang gusto niya. Sundin ang gusto ng asawa para maging attractive sa kanya. I-attract mo ang iyong asawa baka kasi iba pa ang umattract sa kanya. Sige ikaw rin. Baka magsisi ka.

9. SATISFY THE SEXUAL NEEDS OF YOUR SPOUSE

Attend not only to your personal sexual satisfaction but also to the satisfaction of your spouse. Pag hindi mo sinikap na i-satisfy ang iyong asawa baka humanap siya ng ibang mag-sasatisfy sa kanya.

Misis:

a) ihanda ang sarili para sa asawa.

b) Maligo! Magpaganda! Magpabango!

c) Huwag parang patay pag nakikipag “do.”

Mister:

a)Huwag tratuhing sex object ang asawa mo.

b)Be gentle at huwag gawing pang-akrobatik ang misis mo.

c)Magtootbrush ka! Maligo! Magpabango

d)Paano gaganahan ang misis mo kung mabaho ang hininga mo, amoy lansangan ang ulo mo; amoy grasa ang katawan mo. Mahiya ka naman sa misis mo, no!

e)Sikaping huwang maiwang bitin ang misis pag nakikipa “do.”

10. AVOID RETIRING TO BED WITH UNSETTLED ILL FEELING

Ang paminsan-minsang ma-offend ng asawa o maka-offend ng asawa ay bahagi na ng buhay mag-asawa. Kung sakaling ma-offend ka muli ng iyong asawa, huwag mong hayaang makatulog ka ng may sama ng loob sa kanya. Huwag hayaang makatulugan ang galit sa asawa, baka kasi pag pagising mo patay ka na. Pangit mamatay na may kimkim na sama ng loob sa asawa. Kung balak mong bukas ay alisin saiyong dibdib ang samang dulot ng iyong asawa, gawin mo na ngayon baka bukas ay huli na.

11. MANALANGING MAGKASAMA

Sikaping huwag lumipas ang isang araw na hindi kayo nakapanalanging mag-asawa. Manalangin pakagising sa umaga at bago matulog sa gabi. Ang magkasamang pananalangin ay napakalaking tulong hindi lang sa “bonding” ng mag-asawa kundi maging sa pagharap rin nila sa problema. May mga problemang ang hirap lutasin ng “patayo”. Subalit walang problema na hindi malulutas kung ang mag-asawa ay “paluhod” na mananalanging magkasama.

Tandaan: Ang isang buong araw ng mag-asawa ay maaapektuhan ng ilang minutong magkasamang panalangin nila.(1Tess.5:17-19,21-23)

12. KUNG MAGKALAYO DAHIL ABROAD ANG ISA

Magkaroon ng panata,sabay na manalangin sa magkaparehong oras
Parehong magtiis  sa pangangailangan, dahil pinili ninyong dalawa na magkalayo hindi dahil ayaw ninyong magkasama kundi disisyon ninyo yan para sa future ng pamilya at lalo na sa inyong mga anak, o magiging anak pa lang. Hindi pwedeng ikatuwiran ng bawat isa sainyo na nagawa niya ang matukso dahil wala ang kapartner. Kung nasasaktan ang lalake, nasasaktan din ang babae. Gawin mo ang bagay na gusto mong gawin sayo ng asawa, kung gusto mong tapat siya sayo, maging tapat ka din(Lucas 6:31)

13. UMIWAS SA MGA SITWASYON NA MAARING MAGBUNGA NG MASASAMANG HINALA

Para hindi ka mapagbintangan na may ginagawang masama,iwasan ang mga sitwasyong kanina-hinala. Huwag kang magasasama o sasama sa hindi mo asawa sa isang lugar na makukwestiyon ang iyong pagsasama.

Halimbawa: Sa loob ng pribadong sasakyan (dalawa lang kayo sa loob ng kotse);

Sa park ng pang magnobyo o pang mag-asawa; Sa loob ng hotel.

Mahirap paniwalan na ang isang lalake at isang babaeng galing sa loob ng hotel ay nagprayer meeting, nagkwentuhan, nagjack en poy lang. Mag-ingat! Umiwas!

14. RESPECT YOUR SPOUSE’S NEED FOR PRIVACY or INDEPENDENCE.

Natural sa tao na minsan ay gustong mag-isa. Totoo ito maging sa mag-asawa. Recognize your spouse’s need for privacy and honor it. Dapat ring tanggapin ang katotohanang may mga bagay na para lang sa asawa at hindi dapat pakialaman ng kahit sino pa. At mayron din namang mga pagkakataon na may gagawin ang asawa na hindi dapat pakialaman o panghimasukan dahil insulto sa kakayahan pag siya ay pinakialaman. Kahit pa ng asawa niya.Huwag alamin ang password sa fb.Tiwala sa isat-isa ang kailangan.

15. TUMUPAD SA PANGAKO

Ang pangako galing sa asawa ay nagdudulot ng saya. Pero higit na ligaya ang madarama kung ang asawa ay tumutupad sa pangako niya. Huwag lang puro pangako. Tumupad ka! Liligaya ang iyong asawa, titibay ang pasasama, kung sa pangako tumutupad ka! POGI points at BEAUTY points ang pagtupad sa pangako sa asawa.

16. PAG NAGALIT, SIKAPING TUMAHIMIK MUNA.

Matalinong pagpapasya ang tumatahimik muna pag nagalit sa asawa. Ang tao pag galit ay may tendensya na makapanakit. Sino mang nasaktan ay may tendensyang manlaban at manakit din naman. Makatutulong na maiwasan ang away at pananakit, kung sa panahong ikaw ay galit, manahimik muna, MANALANGIN at mag-isip-isip.

17. IWASAN ANG PAGSIGAW SA ASAWA LALO SA HARAP NG IBA.

Ang pagsisigaw sa asawa lalo na harap ng iba ay isang tanda ng kakulangan o kawalan ng paggalang sa asawa. Pwera na lang kung bingi ang asawa, hindi tamang sinisigawan siya. Nababastos at namumukhang tanga ang iyong asawa kung sisigawan mo siya lalo sa harap ng iba. Siguro naman ayaw mong nababastos at nagmumukhang tanga ang iyong asawa. Kaya huwag mong sisigawan ang iyong asawa.

18. BE APPRECIATIVE OF YOUR SPOUSE’S TALENTS AND  ABILITIES.

Congratulations sa mga gumagawa nito. At ‘yong hindi gumagawa nito, magbago na kayo! Make your respective spouses happy and be an encouragement to them, help develop your spouse’s talents and abilities. Malaking kagalakan at encouragement sa iyong asawa kung isa ka sa mga taong nag-a-appreciate sa kanya. Marami ang nagtatampo o nagagalit sa asawa dahil hindi ina-appreciate ang kanilang talento at abilidad ng kani-kanilang asawa. Appreciate the talents and abilities of your spouse. But more importantly, appreciate your spouse. DO IT NOW.

19. IWASANG PINTASAN ANG ASAWA.

Hindi madaling tanggapin ang pintas galing sa ibang tao. Lalong mahirap tanggapin kung ang pintas ay galing sa asawa mo. Napakasakit nito lalo pa kung naririnig ng ibang tao. Imbis na pintasan ang asawa mo tulungan na lang siyang magbago. At kung may sasabihin ka sa ibang tao tungkol sa asawa, magagandang bagay na lang ang ikuwento, huwag ang kapintasan niya.

20. TULUNGAN SIYANG HUWAG MAGKASALA.(1Tess.5:23)

Mas madaling makaiiwas sa pagkakasala ang iyong asawa kung tutulungan mo siya. Sa paglaban sa tukso suportahan ang asawa. Laging alalahanin na ang pagbagsak ng asawa ay pagbagsak ng pamilya. Alamin kung ano ang laban ng iyong asawa. Laban mo rin ang laban ng iyong asawa kaya lubos na tulungan siya. Hindi-“BAHALA KA.”  Ang kailangan –“SUPORTAHAN TA KA.”

21. ANG GALIT SA IBA AY HUWAG IBALING SA ASAWA.

Kung sakaling nagalit ka sa ibang tao, halimbawa sa presidente ng kompanyang pinagtatrabahuhan mo, sa boss mo, o sa kanino mang tao na tinitingala mo na hindi mo kayang ipakita ang galit mo, huwag mong ibaling sa iyong asawa ang galit mo. Maging aware ka dito dahil pwedeng mangyari ito nang hindi mo namamalayan. Unconsciously you might transfer your anger with someone else to your spouse. It happens to some.I pray it won’t happen to you.

22. WHEN YOU HAVE OFFENDED YOUR SPOUSE, LEARN TO SHOW YOU ARE SORRY.

Pag na-offend mo ang iyong asawa, kung talagang sorry ka, ipakita mo na totoong sorry ka. When you realized that you have wronged your spouse, don’t just say “I’m sorry.” Show that you you really are sorry. Show it with your face and show it with your action. May mga nagsosorry sa asawa na habang sinasabi ang “I’m sorry” ay nakangisi. Lalo tuloy nabubuwisit ang asawa niya sa kanya. May mga nagsasabing “I’m sorry” sa asawa na wala namang pagbabagong makita sa pakikitungo sa asawa. When you say you’re sorry, mean it. And show that you really are sorry.

23. LET YOUR SPOUSE KNOW YOUR FEELINGS AND THE PREDICAMENT YOU ARE IN.

Tell your spouse not only your thoughts but also your feelings. Letting your spouse know your feelings and the predicament you are in will somehow help your spouse act accordingly. Ewan ko lang kung nakakabasa ng isip ang asawa mo, hindi naman manghuhula ang asawa mo para malaman niya ang iniisip at nararamdaman mo. Sa panahong nanghihina o nagdaramdam ka, magandang sabihin ito sa asawa. Huwag sarilinin ang pagdurusa. Dahil ang mag-asawa dapat magkasama sa hirap at ginhawa. Walang silbi ang asawa kung sa panahon ng pagdurusa ay hindi nakikiisa. Pero mahirap malaman ng iyong asawa ang lagay mo kung hindi mo ito sasabihin sa kanya. Huwag mahiya. Huwag mag-alala. Magsabi ka sa asawa.

24. FORGIVE.

Patawarin mo ang iyong asawa. Kailan? Pag nagkasala! Kahit pa gaano katindi ang kasalanang nagawa sa iyo ng asawa mo, patawarin mo siya para wala kang bigat na dinadala. Ang di-pagpapatawad ay nakasasakit ng ulo. Nakakapangit pa ito! Talo ang di nagpapatawad. Panalo ka kung magpapatawad ka. Ang pagpapanatili ng galit ay nagdudulot ng hinagpis at karaniwang humahantong sa pananakit. May galit ka pa ba sa asawa mo? Patawarin mo na siya.

The earlier you forgive when you get offended by your spouse, is better than best.

Tandaan: Hindi optional ang magpatawad. Ang magpatawad ay utos ng Dios. (Colosas 3:13)

25. AVOID NAGGING

Nakakainis ang asawang nagger. Ayon sa ilang asawa ng nakausap ko:

“Lalo akong nagtatampo pag nina-nag ako ng asawa ko.”

“Gusto kong sungangain ang bibig ng asawa ko

“Nanliliit ako and I feel stupid pag nina-nag ako ng asawa ko.”

Ikaw, ano ang pakiramdam mo pag nina-nag ka ng asawa mo?

Kung may nagawang pagkakamali ang iyong asawa at gusto mong sabihin sa kanya, minsan lang itong sabihin sa kanya. At huwag idagdag pa dito ang mga dati pang mali na nagawa niya. Sa pagsasalita sikaping maging mahinahon, huwag pagalit, hindi nang-iinis o nanlalait.

26. HAVE A SENSE OF HUMOR.

Nakakapangit ang laging nakakunot ang noo. Sa mag-asawa kailangan ang ngiti at tawa. Can you imagine a couple without a sense of humor? Boring di ba? Ang lungkot ng buhay ng mag-asawa pag walang sense of humor. Parang laging may patay. It’s nice to make people happy especially your spouse. Have a sense of humor. Patawanin mo ang iyong asawa. Learn to crack good funny jokes. Dagdag ligaya kung ang asawa ay marunong magpatawa.

27. MANGARAP! MAGTIYAGA! MATALINONG GUMAWA.

Libreng mangarap. Mangarap kayong mag-asawa at magkasamang magplano tungo sa katuparan ng inyong pangarap. Walang challenge ang buhay kung walang pangarap sa buhay ang mag-asawa. Magkaroon kayo ng kaisahan sa inyong pangarap. Mahirap para sa mag-asawa ang walang isang pangarap. Walang tagumpay kung walang pangarap. Pero huwag lang puro pangarap. Baka bangungutin kayo kung puro pangarap lang. Maging masipag, at matiyaga. Magtrabaho nang husto, gumawa, at maging matalino sa paggawa.

28. MORE THAN WINNING THE ARGUMENT, AIM TO WIN YOUR SPOUSE.

Natural sa mag-asawa ang paminsan-minsan ay magkaroon ng argumento. Kung sakaling manyari ito sa inyo, aim on winning your spouse, more than winning the argument against your spouse. Aanhin mo ang manalo sa argumento kung mawawala naman sa’yo ang asawa mo. Sige, isipin mo.

29. MAGING KONTENTO KAYO.

Delikado ang maaaring kahinatnan ng mag-asawang walang kakuntentuhan sa kung ano’ng mayron sila. Gulo ang kasasadlakan. Ano ba ang kailangan para maging kontento ang tao? Ang kasapatan ba ng lahat ng pangangailangan? Kung dito nakabase ang kakuntentuhan walang mag-asawang mauubusan ng pangangailan. Therefore, walang mag-asawang makukuntento. Hindi masama ang maghangad ng karagdagan para sa kinabukasan. Pero maging kuntento muna at magpakaligaya sa kung ano ang mayron kayo ngayon. Baka kasi hindi dumating ang bukas. Pag dumating ang “bukas,” ang “bukas” ay naging “ngaun.” Kaya kung ano mayron kayo, magpakaligaya at maging kuntento. Kung kuntento ka sakaling mamatay ka ngayon, maluwag ang iyong dibdib na ikaw ay papanaw at marahil nakangiti ka pa hanggang kabaong.

30. BE GENTLE.

Gentleness to your spouse can be best exemplified by being considerate of your spouse’s feeling and thoughts. Bago mo gawin ang isang bagay o bago mo sabihin ang gusto mong sabihin isipin mo muna kung ano ang maaring bunga nito sa isip at damdamin ng iyong asawa. Hindi komo’t gusto mo ay gagawin mo na lang basta-basta. I-kunsidera mo naman ang isip at damdamin ng iyong asawa. Sa pagsasalita, sa gawa, maging sa paghipo at paghawak, maging gentle sa asawa.

31. BE PROUD OF YOUR SPOUSE

Ipinagmamalaki mo ba ang iyong asawa? Dapat lang! Proud ka bang nakikita ang itsura ng asawa mo o gusto mong takpan siya ng dyaryo habang ipinakikilala mo siya sa ibang tao? Huwag mong ikahiya ang iyong asawa. Be proud of your spouse. Huwag mong ikahiya ang iyong asawa.

32. IGALANG ANG OPINION NG ASAWA.

Ang lahat ay may karapatang magpahayg ng kanyang sariling opinion. Ito man ay mali o tama. Igalang ang opinion ng asawa. Kahit di ka sumang-ayon sa opinion ng iyong asawa ipakita mong iginagalang mo ito. Ang hindi pagkakapareho ng opinion ng iyong asawa sa iyo ay hindi nangangahuluganng mali siya. Hindi lahat ng naiiba ay mali . Pero kahit pa hindi ka sang-ayon sa opinion ng asawa, dapat pa rin na igalang ang opinion niya. Ang hindi pagsangayon ay hindi nangagngahulugan ng kawalan ng paggalang. Ang mahalaga, igalang ang opinion ng asawa. Tanda kasi ito ng paggalang sa kanya. Igalang ang asawa.

33. HUWAG MAGING “BOSSY”.

Sa mag-asawa walang “amo.” Walang boss. Dapat parehong naglilingkod sa isa’t-isa. The husband being appointed by God as head of the wife is not taken as “Lord over the wife.” Hindi rin naman tama na ang wife ay hindi nagpapasakop sa husband. Huwag mong tratuhing alila ang iyong asawa. Pumarehas ka kahit pa mas malaki ang kinikita mo kumpara sa kanya. Kung uutusan ang asawa don’t forget the magic word-“PLEASE.” At kung wala kang ginagawa at may ginagawa ang iyong asawa, huwag mo na siyang abalahin pa. kung kaya mo rin lang ang gagawin, huwag mo nang iasa pa sa asawa.

34. MAGING MAUNAWAIN.

Kung gusto mong lalo kang mahalin ng iyong asawa ipakita mong inuunawa mo siya. Totoong kailangan mo ang pang-unawa. Pero higit sa hanapin mo sa asawa ang unawain ka, mas unahin mo ang unawain siya. Sa bandang huli ang hinahanap mong pang-unawa galing sa iyong asawa ay ibibigay din niya. Ang pagpapkita ng pang-unawa ay malinaw na ebidensya ng pagmamahal sa asawa.

35. KEEP COMMUNICATION LINES OPEN.

Dapat lang sa mag-asawa na alamin at ipaalam ang kalagayan ng isa’t-isa. This will not happen if the couple will not keep their communication open. Basic indicators of good communication between a husband and wife: Clear transmission of message- be it thoughts or feelings.

Listening- Don’t just butt in. Understanding- seeing from the perspective of the one who speaks.Empathy-feeling with.Maraming problema ang maiiwasan ng mag-asawa kung laging bukas ang komunikasyon nila para sa isa’t-isa.

36. MAGING MAHINAHON SA PAG-UUSAP PAG MAY PROBLEMANG NILUULUTAS.

Walang problemang di malulutas sa mahinahong pag-uusap. Sa totoo lang, maraming problema ang hindi na sana lumala pa kung sa pag-uusap ay naging mahinahon ang mag-asawa. Hindi makakatulong sa paglutas ng problema kung nagsisisihan ang mag-asawa. Magpokus sa solusyon huwag sa pagkakamali o sa problema ng isa’t-isa. Iwasan din ang pangungutya at magtaas na tono pag nagsasalita. Bahagi rin ng pagiging mahinahon ang paggamit ng mga tamang salita.

37. IWASANG ISUMBAT ANG MGA NAKALIPAS NA PAGKAKAMALING NAGAWA NIYA.

May mga taong pag nagalit sa asawa ay binabalik-balikan ang matagal ng pagkakamaling nagawa ng asawa. At pauli-ulit na isinusumbat ito sa kanya. Pag ganito ng ganito, sisikip ang mundo ng iyong asawa at baka marapatin pang iwan ka niya. Ang kasalanang pinagsisisihan na ay hindi na dapat isumbat pa. pag may bagong nagawang pagkakamali ang iyong asawa, huwag mong isama iyong mga luma na. walang kahihinatnang maganda ang isumbat sa asawa ang pagkakamaling lipas na.

38. IWASANG GAWIN ANG ANO MANG BAGAY NA ALAM MONG IGAGALIT NIYA.

May mga asawa na talagang nananadya. Tahasang ginagawa ang mga bagay na alam na ikagagalit ng kanyang asawa. HUWAG GUMAYA SA KANILA. Yon naman eh… kung ayaw mong masira ang pamilya. Hindi lang asawa ang masamang epekto pagtahasang ginagawa mo ang alam mong nakasasakit sa iyong asawa. Maaaring gantihan ka ng iyong asawa at pati ang anak mo, maaaring gayahin ka at tahasan ring saktan ka. Huwag gawin sa asawa ang mga bagay na ayaw mong sa iyo ay gawin niya.

39. SA PANAHONG NANGHIHINA ANG LOOB NG ASAWA, MAGING SOURCE OF ENCOURAGEMENT PARA SA KANYA.

May mga panahon maaaring manghina ang iyong asawa gawa ng kinakaharap na problema. Maging katuwang ka sa pagresolba ng problema at huwag na maging pabigat pa. Kung kailangang magsakripisyo para makatulong-magsakri pisyo! Kung kailangang tumahimik para makatulong- manahimik! Gawin mo ang magagawa mo para matulungang malutas ang problema ng asawa. Be a source of encouragement .

40. IWASAN ANG PAKIKIALAM SA MGA BAGAY NA INAARING PERSONAL NG IYONG ASAWA.

Personal letters, text messages, bag at pitaka, at iba pang mga bagay na inaaring personal ng iyong asawa, huwag mong basta-basta babasahin, kakalkalin, at pakikialaman.

41. MAGTIWALA

Ang pagpapakita ng pagtitiwala sa asawa ay malaking tulong tungo sa magandang pagsasama. Kung noon ay niloloko ka ng iyong asawa ang magtiwala sa kanya ay maaring maging tulong tungo sa pagbabago niya. Para sa isang naglolokong asawa hindi madaling gawin ang magbago lalo kung walang tulong na manggagaling sa kanyang asawa. Kung sakaling sa kabila ng ipinakita mong pagtitiwala sa iyong asawa ay niloko ka pa rin niya, alalahanin mong sa iyo ay walang nawala. Sa iyong asawa ay marami ang nawala. Sa pagtitiwala, walang nawawala. Sa manloloko, marami ang nawawala.

42. MAGING BEST FRIEND KA NG ASAWA MO.

“Itinuturing ka bang kaibigan ng iyong asawa?

Sagot pls.________ _________ ______

Sa hanay ng mga kaibigan ng iyong asawa, “Ikaw ba ay kinikilala ng iyong asawa ng kanyang matalik na kaibigan?”

Sagot pls.________ _________ _________

“Asawa mo, best friend ka ba?”

sagot pls.________ _________ _________ _

Dapat matalik na kaibigan ka ng iyong asawa.

Mas dapat…PINAKAMATALIK.

43. HUWAG GAWING KATATAWANAN ANG KAMALIAN, KAKULANGAN, AT KAIBAHAN NG IYONG ASAWA.

Lahat ay nakakamali, lahat ay nagkukulang. Lahat ay may kaibahan. Walang taong matutuwa pag pinagtatawanan ang kanyang kakulangan, kamalian, o kaibahan. Tahasang pangungutya sa asawa ang pagtawanan ang kaibahan o pagkakamali niya. Hindi tama na ginagawang biro ang pagkukulang, o mga bagay na hindi pangkaraniwan sa asawa.

Gaya ng:

Kuntil sa tenga,

Putol na daliri o sobra sa sampu ang daliri,

Ilong na parang tapon,

Kulay ng balat,

Butas ng ilong na mukhang garapon,

At iba pa.

Huwag pagtawanan ang kamalian, kaibahan at kahinaan ng asawa. Iwasang pagtawanan ang asawa. Baka gulpihin ka o kaya baka mawalan ka ng asawa.

44.LAGING SENTRO NG INYONG BUHAY ANG DIOS.(1Tess.5:16-18;Jeremias 19:12-13)

Sa pagsasama ng mag-asawa ang pagiging maka-Dios ang pinakamahalaga. Ang pagiging maka-Dios ang siyang magdadala sa mag-asawa sa isang matibay na pagsasama at totoong pagkakaisa. Natural sa mag-asawa ang datnan ng iba’t-ibang problema. Pagka maka-Dios ang mag-asawa mananatiling matatag ang kanilang pagsasama kahit gaano katindi ang problemang kinakaharap nila. Ang ikinatatag ng ugnayan ng mag-asawa ay hindi nakadepende sa dami ng pera o sariling kakayahan ng mag-asawa. Ang ikinatatatag ng relasyon ng mag-asawa ay nakadepende sa Dios na siyang pundasyon ng pagsasama. Sa panahong tahimik o may kaguluhan, panahong tag-init o tag-ulan, maging maka-Dios ka at ang iyong asawa.

45. BE ATTENTIVE PAG MAY SINASABI SIYA SA IYO.

Di ba pag kinakausap mo ang iyong asawa gusto mo nakikinig siya? Gusto rin ng asawa mo na pakinggan mo siya pag kinakausap ka niya. Di ba ayaw mo na may ginagawang kung anu-ano ang iyong asawa pag kinakausap mo siya? O di ganon din ang gawin mo. Huwag kang gumagawa ng kung anu-ano pag kinausap ka ng asawa mo. May mag-asawang mukhang magkausap silang dalawa. Mukha lang pala. Dahil ang kausap nila ay sari-sarili pala at hindi ang isa’t-isa. Nakakabanas! Di ba? Babala: Huwag silang tularan.

46. IPAKITA AT IPADAMA NA MAHALAGA ANG IYONG ASAWA.

Sarap ng pakiramdam kung feeling important ka di ba? Ang asawang nakadama na siya ay di mahalaga sa kanyang asawa ay nag-mumukhang aba, nahahabag sa sarili, at nagiging madrama. Ipakita at ipadama na mahalaga sa iyo ang iyong asawa. Masarap kasama ang taong sa iyo ay nagpapahalaga. marami ng mag-asawa ang naghiwalay dahil sa kawalan ng pagpapahalaga sa isa’t-isa. Ipakita at ipadama na mahalaga sa iyo ang iyong asawa.

47. IIWAS SA SELOS ANG ASAWA.

Maraming mag-asawa ang nag-away at nasira ang buhay dahil sa selos. Marami ang nasiraan ng bait, pumatay at napatay dala ng matinding pagseselos. Natural na magselos kung kaselos-selos. magtaka ka kung may dapat pagselosan sa’yo ang iyong asawa tapos hindi siya nagseselos. Ang pinakamaganda, iiwas sa selos ng asawa. Kung sakaling hindi sinasadya may nagawa ka o kaya may nagawa ang iba na napansin mong ipinagseselos sa iyo ng iyong asawa, ayusin agad. Huwag patagalin pa. linawin ito at sikaping huwag maulit pa.

Tandaan: Ang selos ay parang lason. Naninira, nakamamatay.

48. HUWAG SABAT NANG SABAT KUNG ASAWA MO ANG KAUSAP NG IBA.

May mga asawang sabat ng sabat kahit hindi siya ang kinakausap.Turn off ka ba sa asawang sabat ng sabat? Correct ka diyan! Nakakaturn-off talaga ang asawang sabat nang sabat kahit hindi kinakausap. Kaya ikaw, iwasan ang pagsasabat-sabat kung asawa mo ang kausap. Kahanga-hanga ang asawang di palasabat.

49. MAGSAMA AT MAGKAISA SA PAGGAWA NG DESISYON.( 1Cor.1:10)

Sa paggawa ng desisyon dapat lang na magkasama at nakakaisa ang mag-asawa. Sa mag-asawa, hindi tamang isa lang ang gagawa ng desisyon lalo pa kung maselan o major decision ang gagawin. Kagaya ng:

Paglipat ng bahay,

Pagbili at pagbebenta ng ari-arian,

Pagdisiplina sa mga anak,

At iba pa.

Bago gumawa ng desisyon dapat lang na ang mag-asawa ay nag-uusap muna at nananalanging magkasama. Daan ito tungo sa pagkakaisa.

50. HUWAG KALIMUTAN ANG MGA ARAW NA PINAHAHALAGAHAN NG IYONG ASAWA.

Hindi dapat makalimutan ang mga araw na pinahahalagahan ng iyong asawa lalo na ang birthday at wedding anniversary. Give your spouse a special greetings on special occasions. Better still, give your spouse a treat on special occasions. Gawin mo ito sa asawa mo. Sigurado ako, LOVE points ang bunga nito.

Remember: Don’t forget!

51. BE RESOLVED TO LIVE WITH YOUR SPOUSE ALL YOUR LIFE.

Ang relasyon ng mag-asawa ay panghabambuhay. May kasabihan: “Ang pag-aasawa ay hindi parang kaning isusubo at iluluwa pag napaso.” In solving marital problems, lot of solutions can be considered as the options. God hates divorce. God intends marriage to be for life. Maraming mag-asawa ang naghiwalay na. Marami na sila. Hindi na kayo dapat dumagdag pa. Magsama kayong mag-asawa sa lungkot at ligaya, sa hirap o ginhawa, meron o walang pera, hanggang may hininga. Remember: What God has joins together, Let no man separate.(Mat.19:6)

52. THE REASON TO ALL OF THESE

Namumuhi ang Dios sa diborsyo…..

”  Sapagka't aking kinapopootan ang paghihiwalay, sabi ng Panginoon, ng Dios ng Israel, at siya na nagtatakip ng kaniyang damit na may karahasan, sabi ng Panginoon ng mga hukbo: kaya't ingatan ninyo ang inyong kalooban na huwag kayong magsalita na may paglililo.”

“The LORD, the God of Israel, says, "I hate divorce, and I hate the cruel things that men do. So protect your spiritual unity. Don't cheat on your wife." (Mal.2:16 ERV) Para sa karagdagang paalala, basahin ang Lucas 18 at bulay-bulayin.